اتمام حجت امام حسین (ع)

اتمام حجت امام حسین (ع)

 

« از کتاب صدسینه زن منزوی»


 

ای یوزی قاره کوفیان عالمه مقتدا منم

محور      آفرینشه     نقطه ی   ابتدا منم

 

کوفه لیلر ندن بله ظلمیده شدت     ایلسوز

دوره لیوب قوناقوزی قصد جسارت ایلسوز

جدّیمه    موقع اذان    عرض ارادت ایلسوز

بیر آییلون    حیا ایدون وارث مصطفی منم

 

جان مسیحی  قورتاران    قید طناب    داردن

سس یارادان کلیم ایچون شعله ی نور وناردن

مژده    ویروب  حسینه ده فیض حضور یاردن

قورخما دیوب حسین من، قانوه خونبها منم

 

خلقت اولاندا    ابتدا   من هله     نورنابیدیم

پرده نشین    عالم    خلوت   و    احتجابیدیم

آدم اولاندا آب و گل من گُلیدیم گلابیدیم

ایندی ده    کلّ     عالمه سرور و   مقتدا منم

 

شمری گورون هارالیدی من گل باغ حیدرم

خارجی سعدون اوغلیدی من نوه ی پیمبرم

ابطحیم، حجازیم، هاشمیم، دلاورم

شهیر جبرئیلده عرشه گیدن بالا منم

 

فکر ایدوسوز بو بی کسون یوخدی النده چاره سی

آب حیاته حکم ایدر  قزلاریمون   نظاره سی

نهر      فراتی    قیترر    اصغریمون اشاره سی

قاعده ی     تصرفون      رمزینه     آشنا   منم

 

واردی یزیدیلن اگر سیزلرین   عهد و بیعتوز

دینوزی ساتمسوز هانی بس عربی    حمیتوز

یونگولومش دیانتوز اوسته گیدوبدی غیرتوز

غیرت    ایله بیزیمکیدور    مظهر مرتضی منم

 

منکه بو لحن    نرمیلن     موعظه     ایلرم سیزه

ایستورم     ایلیه     دعا طاهره ی    حرم سیزه

قدّیمی قارداشیم بوکوب یوخساباش اگمرم سیزه

منطقه ی    حجازیده      ایندی   فقط آقا منم

 

رحمته گتورمدی سیزی  اللریم اوسته کی بالا

اللریم     اوستن   اوغلومی بیر نفر اولمادی آلا

سیزده یوخیدی معرفت منده که باخمادیم دالا

گلدی     حبیبمون    سسی    بو بالیا   جزا منم

 

لبلرینه     دعا منم    مطلبینه      ادا منم

قانه    خونبها    منم    جاننه     آشنا منم

 یاره سینه    دوامنم   سینه سینه شفا منم

بو بالانون آناسینه صبری ایدن عطا منم

 

سیل    سرشگی   یاحسین قانلی جماله باغلاما

تلّی     انینجه     خیمیه صبر ایله سینه داغلاما

حرمله نی سویندیروب دشمن ایچنده آغلاما

صبر و ثباتی آرتروب روحه ویرن صفا  منم

 

اصغروین مقامینون عرشه دایاندی پایه سی

مژده ویروب ربابه دی یوخ داخی سود گلایه سی

منّتینی چکه چکه حوری لر اولدی دایه سی

هر بیری    سود ویروب    دیر بو بالیا آنا منم

 

 

معرکه ی الستیده دست گره گشا منم

ذبح عظیم    تشنه لب جنّته رهنما منم

حکم   ضروری اجل شرط قبولی عمل

اهل   یقینه   ماحصل قبله منم دعا منم

 

کعبه ی قرب و منزلت مشعر لطف ومرحمت

زمزم     اهل    معرفت    مروه منم   صفا منم

گوهر      تاج      انّما    مظهر شاه     قل کفی

مفخر     میر    هل اتی    مشعل      اهتدا منم

 

علت    ابتدا  منم   خلقته منتها منم

ثالث   او صیا    منم وارث انبیا منم

نورمنم شجر منم نخل منم ثمر منم

فتح منم ظفزمنم نطق منم صدا منم

 

میر شباب جنّتم، باغ بهشته زینتم

من ثمر نبوّتم میوه ی اصطفا منم

غصه لره    بلالره   محنت   و ابتلالره

یوزبله کربلالره دلدن اولان رضا منم

التماس دع

/ 5 نظر / 286 بازدید
حسن

سلام ... عالي بود ... خداقوت [گل] با تبادل لينک موافقيد؟ --- لطفا اطلاع بديد آدرس ما: http://farslearn.com با نام: آموزش آنلاين

آموزش آنلاين

سلام ... عالي بود ... خداقوت [گل] با تبادل لينک موافقيد؟ --- لطفا اطلاع بديد با نام: آموزش آنلاين لينک کنيد

آموزش آنلاين رايگان

داشتم سايت هاي آموزشي رو سرچ مي کردم يک سايت آموزش آنلاين پيدا کردم که به نظرم جذاب اومد. توش کلي دوره هاي رايگان بود.لينکشو براتون گذاشتم. http://cetkaacademy.ir/ آموزش آنلاين رايگان

ساخت فروشگاه رايگان

دوست عزيز شما ميتونيد بصورت رايگان فروشگاه اينترنتي راه اندازي کنيد يا سايت حرفه اي رايگان راه اندازي کنيد. وارد سايت بيزنا شويد و در 1 دقيقه فروشگاه بسازيد و سامانه پيامک رايگان هم هديه بگيريد http://www.bizna.ir/